荃灣 樂悠居 – 435 sqft

荃灣 樂悠居 I 435 sqft
今次呢個位於樂悠居嘅呎單位以淺木同純白作主調，加上喺唔同空間都用咗滲光效果營造溫暖氛圍，為戶主打造一間木系舒適家居！
飯廳位置造咗一組L型地櫃同吊櫃，既增加收納空間，亦提供一個小平面方便放銀包鎖匙。而縷空配合燈槽設計則有減低櫃體壓迫感嘅效果。
電視牆除咗以木條子配合黑線條增加層次感外，設計師仲選用咗一幅大雲石紋板豐富雪白嘅牆身。電視櫃同樣用上縷空加燈槽設計，望落更輕盈。
大廳旁嘅廚房採用白框長虹玻璃分隔，令光線可以透過廚房窗引入飯廳，成個空間就更光猛。色調方面以淺木櫥櫃配搭灰雲石紋牆磚，簡潔又唔單調。
主人房床架下方加裝咗燈條，既可以營造溫馨浪漫嘅感覺，亦避免戶主夜晚出入會唔小心踢到。而隔離嘅灰色衣櫃就加入金鋼線條點綴，增添輕奢感。